Typical nga pagkaon sa Western Visayas ang inasal o ihaw-ihaw, naga-gamit sang stick, tuhugon ang manok kag sugbahon tawag sini “roasted meat”. May gina banyos ini nga sarsa depende sa imo panlasa ini naga gwa ang manamit kag unique nga sabor.
Sa diri sa Abu Dhabi madamo man nga mga Pinoy Restaurant ang naga baligya sang chicken inasal. Gintilawan namon ang chicken inasal sang kilala nga food chain sa pungsod Pilipinas, ini ang Mang Inasal. Sang ara pa ako sa kolehiyo amo ini gina balik-balikan namon kay ngaa man anu ang rason? Una bes, wala labot nga kadagku sang manok diri mo makita ang imo FOREVER nga UNILIMITED RICE!
During those early days nga kung kaisa gina-kapos ako sang budget “kay syempre buhay estudyante” ginatingob ko na pamahaw kag panyaga. May ara tion nga naka-ubos ako sang 7-8 rice. Ang naga panamit pa sina ang chiken oil nga gina samo sa rice.
Ang sabor diri sang Chicken Inasal sa Al Mariah Mall, Abu Dhabi daw amo amo man sa Pilipinas, may unlimited rice, unlimited chicken oil kag sabor sang sabaw nga libre nga daw may batwan pero feeling ko powder lang ina ginabutang sa sabaw, ‘lol kiddin’. Subong nga panahon pinak-maximum ko na guid nga kaon sang rice daw duha lang guid. Maayo man kay wala nadayon ang gusto ni Senadora Villar nga e-ban ang UNLIMITED RICE sa Pilipinas madamo guid tani ang magahibi.
Technopreneur. Foodie. Traveler. {Ex REMO @Mozilla @MozillaPhilippines} is particularly interested in earth science, cybersecurity, cloud services, market research, data visualization, and analytics.
0
0